منتديات بداية
مرحبا بك ايها الزائر العزيز فى منتديات بداية ، ونتمنى لك مشاركة فعالة ، وندعوك للتسجيل لكى تتمتع بصلاحيات عديدة

منتديات بداية

news....edu...chat
 
الرئيسيةالبوابةاليوميةمكتبة الصورس .و .جبحـثقائمة الاعضاءالمجموعاتالتسجيلدخولتسجيل دخول الاعضاء

شاطر | 
 

 لقيته واقف على الباب بيقول لي بحبك...قربني " مصطفى حسنى "

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 93
تاريخ التسجيل : 07/11/2009
العمر : 27
الموقع : القاهرة

مُساهمةموضوع: لقيته واقف على الباب بيقول لي بحبك...قربني " مصطفى حسنى "   الأحد مارس 21, 2010 7:38 pm

لقيته واقف على الباب بيقول لي بحبك...قربني
وعيل من عيالي واقف وراه، بيقول لي ألحقني...ضربني!!
قلت له من على الباب، ارجع ومتجيش تاني
لو كنت بجد بتحبني كنت احترمت عيالي عشاني
الخلق عيال ربنا زي ما العلماء قالوا
لأنه بيحافظ عليهم وبيصرف عليهم من ماله
يبقى تهين حبايبه، وتقول له في صلاتك "أرضى عني"؟!
وحبيبه يقول له "خد لي حقي من اللي أهانني"!
عارف يا صاحبي عبادتك مانفعتكش ليه؟
لأنك عبدته وأنت مش متعلق بيه
لو كنت متعلق بيه، كان هيبان عليك
لا تجيب سيرة حد بالغلط ولا تأذي اللي حواليك
سألت نفسك ليه النبي كان اسمه الصادق الأمين؟
هتلاقي كل كلامه ان الأخلاق هي الدين
عشان يتمم مكارم الأخلاق كان الغرض من بعثته
وكان دايما يكررها في كلامه وكانت باينة في وصيته
ده الصلاة انضباط، وأدب، وتواضع
مش آكل حق غيري وأروح اصلي في الجامع!
حتى العقيدة اننا نعرف صفات ربنا
عشان نتعلمها منه ونعالم بيها بعضنا
لو كنت مؤمن بجد وعقيدتك سليمة
كان بان سلامة صدرك وأخلاقك الكريمة
مش لو حد جه جنبك تتشعنن وتزعق
وتبقى أيدك طويلة وتتخانق وتهزأ
وانت يا ستي شكلك مخيف
بعينيكي المبرأة واسلوبك العنيف
لو كنتي مؤمنة بجد انطقي بخير أو امسكي لسانك
ولو بتعظمي ربنا بجد اكرمي ضيوفك واوعي تأذي جيرانك
وانت قال لك في الدنيا لو غشيت في مهنتك
فلوسك هتبقى حرام ومش هيستجيب دعوتك
وبعد الموت هنتدفن في التراب
النميمة والكذب هما اسباب العذاب
واوعى تاخد حق حد، أو تتريق عليه وتغلس
مهما صليت أو صمت، يوم القيامة هتيجي مفلس
وربك قال لك يوم القيامة هساعدك ومش هسيبك
لأنك كنت بتساعد عيالي وبتصرف عليهم من جيبك
شفت بقى يا صاحبي ليه النبي كان اسمه الصادق الأمين؟
لأن كل كلامه ان الأخلاق هي الدين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bdaya.bestgoo.com
 
لقيته واقف على الباب بيقول لي بحبك...قربني " مصطفى حسنى "
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» >>>>>كريم مأمون يتألق فى بطولة "رولان جروس" الدولية للتنس <<<<<
» مايكروسوفت تطرح الإصدار الثاني من "سيلفر لايت"
» " الخميــرة ".. ســاحر الكثير يغفــل عنـــه
» تحميل سلسلة " كيف ولماذا " (( كيف أكون عبدا مخلصاً ؟ )) رائعه هامة جدا وبحجم خيالى
» "ستار تايمز" أكبر منتديات يزورها المغاربة مهددة با

صلاحيات هذا المنتدى:لاتستطيع الرد على المواضيع في هذا المنتدى
منتديات بداية :: المنتدي العام :: قسم خاص بالزجل-
انتقل الى: