منتديات بداية
مرحبا بك ايها الزائر العزيز فى منتديات بداية ، ونتمنى لك مشاركة فعالة ، وندعوك للتسجيل لكى تتمتع بصلاحيات عديدة

منتديات بداية

news....edu...chat
 
الرئيسيةالبوابةاليوميةمكتبة الصورس .و .جبحـثقائمة الاعضاءالمجموعاتالتسجيلدخولتسجيل دخول الاعضاء

شاطر | 
 

 أعتراف سبجارة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


عدد المساهمات : 93
تاريخ التسجيل : 07/11/2009
العمر : 27
الموقع : القاهرة

مُساهمةموضوع: أعتراف سبجارة   السبت أبريل 10, 2010 2:17 pm

هذه الأبيات الشعرية
للشاعر

خــالد الطبلاوى

التى تتميز بالبساطة فى التعبير عن رفضه - ورفضنا نحن أيضًا - لعادة التدخين
التى أصبحت عند بعض الناس شىء مسلّم به و نصحه للمدخنين للإقلاع والتخلص من هذه السيجارة التى بات أسيرًا فى سجنها
وتوضح أيضًا الأضرار الكثيرة التى تملأ هذه الآفة


ويسعدنى أن أقدمها لكم
وما يسعدنى أكثر

مروركم على هذه الأبيات
وما يسعدنى أكثر وأكثر
أن تشرفونى بتعليقاتكم المميزة وبآرائكم

والآن أترككم مع الأبيات




1- كايدة الرجال

قدامها بيكونوا عيال

والراجل اللى صوته عالى بينكتِم

ويطلـّع القرش اللى كان مستخسره فـ ابنه

ولا يسأل سؤال




من بعد ما الصحة تِروح
والقرش والحسنات كمان
إيه النهاية والمآل

راح أقولكم . . .




2- حديث سجارة



اسمع يا شاطر يا شطارة

أنا خالتك الست سجارة




سفيرة الموت بالجملة
فتـّح دماغك يا أمارة




معايا شنطة ومليانة
أمراض كتير اصحى معانا




سرطان وقرحه وباتوصـّى
واخدم زبونى بأمانة




دا غير بقا الكحه الناشفة
و زَراق منيـّـل عـ الشفــّـه




و إن كنت يا اسمك إيه خفه
تخسر فلوسك بالـقــُـفــّــه




دا خمسميت مادة فـ قلبى
من السموم خليك جنبى




إدفع فلوس تشترى حُبـّـى
وتموت معايـــا يا روح قلبى




دا تلوث أسنانك
واللثه تضرب ولسانك





وأم العيال تقرف منك
وجميع حبايبك وجيرانك




هتموت بسكته قلبية
وتطب ساكت يا عنيــّه




ويزيعوا نعيك يا ابو خالو
وتكــُـتّ مـ الدنيا فـ ثانية




أربع تلاف ومتين ماده
يرقــّدوك زى مخده




وبتر أعضاء وبلاوى
وذبحه صدرية وهــــدّه




و ان كنت فاضى ما لك عوزه
أو عضو شله منبوذه




وتـَمـَـلـّــى تقعد فى الغـُرزة
يبقى انت من أهل الجوزة




أنا مش هسيبك يا عِليشه
لو حتى لفـّوك بالخيشه




جاى لك على جناح السرعه
أختى الكبيرة اسمها شيشه




وأخويا بايب ومعسل
و نشوق يا واد إوعى تكسّل




وكلنا فى خراب بيتك
عايزين نشارك ونمثـل




و يوم وفاتك هنشـرّف
على القرايب نتعرّف




يمكن نلاقى زبون تانى
وعقله مجنون بيخرّف




آدى صرخة الست سجاره
سمـّـعتها لك يا معـدّل




يا ريت بقا يا بنى تفكـّر
يمكن امورك تتبــدّل




أول هام دى حرام يا بنى
وحرق للحسنات حاصل




وإن كنت ح تفلفص منى
إسأل فضيلة الشيخ واصل




دى فتوى منه مسموعه
وف المساجد مطبوعه




إن السيجارة وأخواتها حرام
حرام فى ديننا وممنوعه




بطـّـلها يا بنى لوجه الله
واعمل حسابه فـ يوم تلقاه




راح يسألك عن تبذيرك
ومالكش مالِك أمر سواه




بطـّـلها خلـّى الصحه تعود
وتبقى زى الواد محمود




عايش حياته متهنّى
وبصحه حلوه وعود مفرود




غـيـّر حياتك بالمره
وفلوسها حوّشها فـ جرّه




يمكن تحج لبيت الله
أو مره تعملك عُــمره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://bdaya.bestgoo.com
 
أعتراف سبجارة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات بداية :: المنتدي العام :: حياة بلا تدخين-
انتقل الى: